I Confess (filma)

I Confess (filma)
Jatorria
Argitaratze-data	1953
Izenburua	I Confess
Jatorrizko hizkuntza	ingelesa; frantsesa; italiera; alemana
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	krimenezko filma, film dramatikoa, flashback film (en) , Zinema beltza, thrillerra eta detective film (en)
Iraupena	91 minutu
Kolorea	zuri-beltzekoa
Grabazio lekua(k)	Quebec Hiria, Château Frontenac eta Hollywood
Zuzendaritza eta gidoia
Zuzendaria(k)	Alfred Hitchcock
Gidoigilea(k)	George Tabori; William Archibald (en)
Antzezlea(k)
	Montgomery Clift ; Anne Baxter ; Karl Malden ; Brian Aherne ; O. E. Hasse (en) ; Dolly Haas ; Gilles Pelletier ; Judson Pratt ; Ovila Légaré (en) ; Alfred Hitchcock
Ekoizpena
Ekoizlea	Alfred Hitchcock
Konpainia ekoizlea	Warner Bros.
Edizioa	Rudi Fehr (en)
Ekoizpen-diseinatzailea	Ted Haworth (en)
Bestelako lanak
Musikagilea	Dimitri Tiomkin
Argazki-zuzendaria	Robert Burks (en)
Fikzioa
Kontakizunaren tokia	Kanada eta Quebec Hiria

I Confess (euskaraz: «Aitortzen Dut») 1953ko Alfred Hitchcock ingeles zinema zuzendariaren suspensezko drama film bat da. Paul Anthelme antzerkigilearen Nos deux consciences antzezlanean oinarritua dago. Montgomery Clift, Anne Baxter, Karl Malden, Brian Aherne eta O. E. Hasse aktoreek antzeztu zuten.

1953ko Canneseko Zinemaldian Urrezko Palmaren izendapena jaso zuen. Film honetan Hitchcockek bere kameo ospetsuetako bat ere egiten du, hain zuzen ere, eskailera batzuk igarotzen agertzen da. Irlandan filma denbora luzez zentsuratua egon zen, apaiz bat eta emakume baten arteko harremana agertzen baita, nahiz eta harreman hori protagonista apaiztu aurretik gertatu izan.

Filmak errudun faltsu baten istorioa kontatzen du, Hitchcock-en filmografian behin baino gehiagotan agertzen den gaia. Montgomery Clift aukeratua izan zen apaiz atsekabetuaren papera egiteko, eta bere karreraren lan onenetariko bat burutu zuen. Antzezle femeninoari dagokionez, Anita Björk aukeratua izan zen hasieran, baina gero Anne Baxter-ek ordezkatu zuen.

Aita Michael Logan-ek (Montgomery Clift) dilema latz bati aurre egin behar dio: hiltzaile bat salatu aitorpen sekretua hautsiz, edo bere gain hartu hilketa horren zama astuna. Apaizak tinko mantentzen du aitorpen sekretua, nahiz eta horrek bera hilketaren errudun nagusia bihurtu polizi-buruaren aurrean (Karl Malden).

Argumentua

Oharra: Atal honek istorio osoa edo amaiera argitzen du.

Otto Kellar-ek (O.E. Hasse) elizain gisa lan egiten du Quebec-eko parrokia batean. Abokatu ospetsu baten etxean lapurtzen ari zela, jabeak harrapatzen du, eta Kaller-ek hil egiten du. Elizara itzultzerakoan, lotsaturik, aita Logan-i (Montgomery Clift) egindakoa aitortzen dio.

Hilketaren susmo guztiak Logan aitarengana zuzentzen dira, hiltzaileak sotana bat eramaten zuelako eta apaizak alibi bat ematen ezin duelako. Horretaz gain, polizia jabetzen da hildakoak apaizari xantaia egiten ziola, apaiza izan aurretik amodio kontu bat izan zuelako.

Akusatua izan arren, Logan-ek -bere botoak mantenduz- ezin du aitormen sekretuaren araua hautsi, eta ez du hiltzailea salatzen. Nahiz eta jatorrizko antzezlanean Logan aita epaitua eta hiltzera zigortua izan, filmaren amaiera moldatu zen, eta bukaeran hiltzaile gaiztoa -Otto Kaller- hil egiten da.

Aktoreak

Montgomery Clift: Aita Michael William Logan
Anne Baxter: Ruth Grandfort
Karl Malden: Larrue inspektorea
Brian Aherne: Willy Robertson
O.E. Hasse: Otto Keller
Roger Dann: Pierre Grandfort
Dolly Haas: Alma Keller
Charles Andre: Aita Millars
O.E. Hasse: Otto Keller
Donat Lauzier: polizia ofiziala

Iruditegia

Aita Michael William Logan (Montgomery Clift)
Ruth Grandfort (Anne Baxter)
Larrue inspektorea (Karl Malden)
Willy Robertson (Brian Aherne)

Kanpo estekak

I Confess filmaren IMDBko fitxa irakurgai (Ingelesez)

Datuak: Q512247
Multimedia: I Confess (film) / Q512247

i e a Alfred Hitchcocken filmografia
1920ko hamarkada	Number Thirteen (1922, amaitugabea) • The Pleasure Garden (1925) • The Mountain Eagle (1926; galdua) • The Lodger: A Story of the London Fog (1927) • The Ring (1927) • Downhill (1927) • The Farmer's Wife (1928) • Easy Virtue (1928) • Champagne (1928) • The Manxman (1929) • Blackmail (1929)
1930eko hamarkada	An Elastic Affair (1930; galdua) • Juno and the Paycock (1930) • Murder! (1930) • Mary (1931) • The Skin Game (1931) • Number Seventeen (1931) • Rich and Strange (1931) • Waltzes from Vienna (1934) • The Man Who Knew Too Much (1934) • The 39 Steps (1935) • Agent secret (1936) • Sabotage (1936) • Young and Innocent (1937) • The Lady Vanishes (1938) • Jamaica Inn (1939)
1940ko hamarkada	Rebbeca (1940) • Foreign Correspondent (1940) • Mr. & Mrs. Smith (1941) • Suspicion (1941) • Saboteur (1942) • Shadow of a Doubt (1943) • Lifeboat (1944) • Spellbound (1945) • Notorious (1946) • The Paradine Case (1947) • Rope (1948) • Under Capricorn (1949)
1950eko hamarkada	Stage Fright (1950) • Strangers on a Train (1951) • I Confess (1953) • Dial M for Murder (1954) • Rear Window (1954) • To Catch a Thief (1955) • The Trouble with Harry (1955) • The Man Who Knew Too Much (1956) • The Wrong Man (1956) • Vertigo (1958) • North by Northwest (1959)
1960ko hamarkada	Psycho (1960) • The Birds (1963) • Marnie (1964) • Torn Curtain (1966) • Topaz (1969)
1970eko hamarkada	Frenzy (1972) • Family Plot (1976)
Telesaila	Alfred Hitchcock Presents (1955-1965)
Laburmetraiak	Always Tell Your Wife (1923) • Elstree Calling (1930) • Aventure malgache (1944) • Bon Voyage (1944)